宮粉紅前晚往捧養女陳寶珠場時突然猝死，但陳寶珠和拍檔南鳳一直專注演出，並不知台下情況，直至騷後消息傳出，眾人惋惜不已。南鳳昨日接受商台電話訪問，談到前晚完騷後後台情況，她說：「寶珠知道媽媽嚟咗，當時仲未開鑼，演出後我去落妝，有工作人員同我講話記者會取消，我走時經過寶珠化妝間想同佢打招呼，但見到閂咗門，一路行見到工作人員個個好沉重。」
南鳳回到家才接獲宮粉紅死訊，她說：「佢嚟到見晒寶珠嘅朋友，如果演出途中先暈就會好哄動，佢好似唔想阻住個女演出咁。」她又說：「假若當時寶珠知道，佢應該唔可以演落去。」南鳳打算寫一封信慰問寶珠，她說：「佢媽咪都好希望佢上返呢個舞台。之前我見到佢媽媽教佢造手覺得好窩心，佢兩個感情好好。」
寶珠常提宮粉紅
南鳳透露綵排時曾聽寶珠姐談到其母健康不錯，她說：「寶珠成日都話唔係媽咪佢可能養唔大，聽得出佢好感恩，有呢個媽媽係佢嘅福。」採訪：王崇穎