農夫噚日到商台宣傳新碟《O'FAMA》，佢哋透露隻碟會喺東南亞發行。陸永（左）話若新碟賣過10萬張，就會以外語片《波叔出城》中波叔嘅泳裝造型示人，佢話：「講得出做得到，絕對唔會龜縮，我只會龜漲。」C君就話佢嘅前女友西瓜一定會買碟支持，但佢都打算送多隻碟畀佢。農夫又打算帶100隻碟去公司春茗以碟換利是。