伯南克確認低利率會繼續維持，花旗股市即時有反應，結束兩日嘅跌勢，不過伯南克噚晚仲要喺國會作證，股市會繼續波動。
港股噚日期指結算，花旗股市上升幫唔到手，恒指跌68點收市，不過技術走勢仲係偏好，兩大銀行股滙控（005）、恒生（011）下禮拜一公佈業績，昨日齊齊造好，睇嚟滙控會繼續強勢。
華能C輪20168：華能（902）昨收4.62元，冇升跌。股價呢幾日守穩喺50日線樓上，噚日蠢蠢欲動，短線升破4.82元，睇5.17元，可以諗吓隻C輪20168。
隻輪現價35仙，2010年7月13日到期，行使價5元，溢價15.8%，引伸波幅49.7%，有效槓桿5.4倍，正股見5.17元，20168睇62仙，正股跌穿4.43元，就沽咗隻輪止蝕。
俊樺