張學友、湯唯、張可頤、鮑起靜主演，岸西執導的新片《月滿軒尼詩》成為「第34屆香港國際電影節」開幕電影，湯唯避席，導演和三位演員昨日在W酒店出席記招。
張可頤在戲中飾演學友的前度女友，湯唯是其女友，看似艷福不淺，但學友說：「冇乜（艷福），我係同張可頤有床上戲，但乜都冇做過，同湯唯更加乜都冇，蝕底，蝕晒，我噚晚至喺美亞台睇完《色，戒》，不過床戲就cut晒。」
怨老婆小器
雖然學友聲稱和湯唯沒床上戲很蝕底，但實情卻是沒膽量，學友坦言：「我冇膽，又冇身形，老婆（羅美薇）唔會口頭唔畀，但個心唔畀，偉仔（梁朝偉）係全職演員，我唱歌，唔可以去到咁盡。」
此外，除《月》片外，吳彥祖主演的《如夢》同樣成為電影節開幕電影，閉幕電影有鍾欣桐主演的《前度》、同志片《安非他命》及楊千嬅主演的《志明與春嬌》、黎明的《火龍》更會舉行世界首映。
採訪、攝影：魯萍