加拿大老牌保險公司宏利（945）雖然喺金融海嘯爆發後，先後多次喺市場集資，但憑自身實力已站穩陣腳，舊年業績仲急升1.7倍，旗下宏利香港嘅淨收入都有30.47億港紙，按年大升53%，創歷史新高，宏利壽險香港區首席行政總監何達德（MichaelHuddart）笑住口咁話「花紅幾好啦」。
駐台時曾去拜神
身為基督徒嘅Michael都幾迷信，話說2000年佢喺台灣做總經理時，曾跟當地人去praytheghost（即係拜神），結果任內四年台灣區保費升超過10倍，6年幾前佢調到香港出任行政總裁時，又專登搵風水師幫手睇吓辦公室，窗口同埋窗簾嘅佈置、顏色都有學問，結果一直順風順水，就連佢嘅海外朋友都笑佢執到支好籤，留喺香港工作，避過金融海嘯嘅正面冲擊。