現年50歲嘅鍾楚紅經歷老公朱家鼎過身後，近年已從喪夫之痛中走出嚟，除咗復出拍廣告外，早幾日仲約咗幾個朋友去台灣旅行，雖然紅姑只係喺當地逗留四日，但佢就周圍搵食，似乎唔擔心會肥。
原來紅姑成日都咁神采飛揚係因為密密做facial，日前佢就為代言嘅reenex膠原自生中心拍攝新廣告，紅姑狀態好弗，喺鏡頭前完全唔覺佢已經年近半百。
展示黑白美
拍攝當日，紅姑先後以黑白兩個造型示人，着上簡單白色露肩裙嘅紅姑顯得清麗脫俗，佢仲應攝影師嘅要求諗番童年時嘅純真日子，令紅姑即時流露真摯笑容。
成日俾人讚越嚟越靚嘅紅姑透露除咗做facial外，智慧選擇同靠自己同樣重要，佢話：「我鍾意煲湯水滋補，又鍾意做運動保持健美體態，家我會好好善用時間做有意義嘅事同享受人生。」
