道指前晚跌100點收市，伯南克去國會講嘢之前美股下跌唔一定係壞事，因為伯南克好大機會重申低息環境有排都唔變，到時花旗股市又會升番。
伯南克未講嘢，呢邊財爺噚日先講佢份預算案，冇乜特別，都係派吓糖仔，力度唔大，財爺提出增加土地供應，只要適度，對樓市發展反而係好事。
恒生C輪17299：恒生銀行（011）昨收112.50元，升0.8%。近日由低位反彈，成交大增，走勢轉強，若升破118元，睇124元，可以諗吓隻C輪17299。
隻輪現價6.9仙，2010年9月29日到期，行使價120元，溢價12.8%，引伸波幅33.9%，有效槓桿6.4倍，正股見124元，17299睇12.3仙，正股跌穿108.50元，就沽咗隻輪止蝕。
俊樺