無綫高層陳志雲、趙碩之、葉翠翠、林莉等前晚到中環出席活動，陳總在活動上與亞視高層鄺凱迎碰面，兩人大方合照。對於無綫置景及道具組員工日前集體請病假，陳總強調一切已回復正常，他說：「佢哋請假係表達意見，如果工會再有意見就會同人事部溝通，再有行動前都會再通知。雖然TVB係09年上半年嘅盈利有3億，但係比08年少咗兩億，而且免費電視台個市場競爭好大，最終只發放半個月花紅。」
趙碩之冇料到
而前晚趙碩之一反常態收起性感，穿上黑白兩件透視碎花上衣，毫無睇頭，更顯得不倫不類，她就說：「我都冇check下會唔會影到入面，不過兩層都好安全，唔同場合有唔同需要，唔係刻意收起性感。」
採訪：魯萍
攝影：陳慧安