香港經濟發展到目前呢個地步，加上特區政府在固有思維之下，其實冇乜新招可出，所以財政預算案無甚新意，一啲都唔出奇。
香港現時擁有私人物業者數目都唔少，如果政府亂搞樓市，甚至推倒樓市，夾硬去遷就本身唔夠實力嘅買樓人士上車，問題解決唔到之餘，兼造成另一種矛盾，亦對整體經濟冇好處。
美股道指前晚下跌100點，港股昨日跟隨回吐，挫155點，收報20467。指數雖然跌，不過唔少股份表現其實唔曳，相信近期連串不明朗因素已消化得七七八八，港股今浪調整應已在2月初見底。
早前發過盈警的中海集運（2866），股價照樣強勢，昨逆市升0.6%，收報3.15元，反映對負面消息無影響。去年12月，內地出口數字上升17.7%，結束13個月跌勢，數據利好航運股，中集去年底率先調升運費。
現時股價企於多條移動平均線之上，後市可看高一線，現水平買入短炒，獲利目標3.50元。
方星俠