昨日梁詠琪（GiGi）和徐濠縈以MMM潮人打扮，出席其新店開幕活動。廿四孝女兒GiGi透露今年想於中環再置業給家人，另一邊她則呻家人保守，跟她拍拖3年多的法籍男友Sly仍未獲家人接納和見面，她希望家人可以對其外籍男友改觀及接受。
梁詠琪和徐濠縈昨日在中環，出席潮人時裝品牌MaisonMartinMargiela的新店開幕，大會更從巴黎空運8套春夏新裝同場展覽。一向是MMM粉絲的GiGi透露新年多了一點時間休息，並慶祝婆婆80歲大壽。
「開始已唔接受」
GiGi說：「人大咗都想同家人close啲，所以今年自己目標係想買一層樓畀家人住，因為自己住中環，佢哋住西貢，想佢哋搬出中環，可以多啲見面。」財政預算指2,000萬元豪宅要加釐印費，她說：「要了解番件事，budget都未知，最緊要層樓啱心水。」
談到其法籍男友Sly有否向其婆婆祝壽，GiGi即說：「冇呀，佢未同我屋企人相處過，我屋企人需要時間接受，家屋企人都未接受，由一開始已經唔接受。」
「未到談婚論嫁」
至於男友會否不開心？GiGi說：「少少啦，順其自然，我都有見過佢家人，我屋企人保守啲，慢慢嚟，佢哋都尊重我自由，都未到談婚論嫁。」
此外，徐濠縈透露女兒康堤利是收穫不俗，她說：「佢舊年利是都未拆，應該都有6位數字，會幫佢開戶口，大個畀番佢。」
阿徐還透露近來幫朋友訂老公陳奕迅個唱門票，增加不少壓力，她說：「好多朋友仲要訂，同埋好心急交收飛。」
採訪：LawWaiMan
攝影：ChanShunChing
