蔡卓妍（阿Sa）、容祖兒和林峯主演的電影《翡翠明珠》現正趕工，昨日容祖兒的賊婆造型曝光，髮型似足頒獎禮時的爆炸頭，只是今次加了一條頭巾。祖兒和阿Sa表示到森林拍外景不敢去大便，阿Sa更一日只去兩次廁所，認真忍得。
古裝搞笑片《翡翠明珠》昨日在將軍澳電視廣播城古裝街開工，除了主角蔡卓妍和林峯外，還有容祖兒及王祖藍參與拍攝。容祖兒飾演賊婆，專門偷心，其新造型首度曝光，但是未見突出，髮型疑似頒獎禮時的爆炸頭，並加了一條頭巾。
「開大要帶膠袋」
阿Sa有祖兒陪伴開工特別開心，二人雞啄唔斷，你一言我一語，連外景如廁問題都高談闊論一番，阿Sa說：「早幾日好凍，日日就去森林拍，呢幾日暖番就嚟個舒服地方拍，就俾太陽曬，之前去森林拍嘢唔敢飲水，一日都只係去兩次廁所，個個位我都唔敢屙屎，佢哋話開大要帶多個膠袋，搞到嘢都唔敢食太多，生理時鐘亂晒。」
容祖兒也表示：「喺外景我都唔敢去大，家都習慣咗，做藝人係咁樣，唔可以有正常生理時鐘，所以我習慣咗一返到屋企就即刻有得去。」
拒叫鄭中基戒煙
阿Sa被問到如果加煙稅，會不會叫男友Ronald（鄭中基）戒煙，祖兒即為好姊妹擋架說：「邊個Ronald？伍樂城？佢唔食煙喎！」記者再重複問阿Sa會不會勸鄭中基戒煙，阿Sa說：「呢啲自己選擇啦！」
採訪：楊潔雯
攝影：林德雄
