賭王何鴻燊康復進度不俗，有望可以日內返家，告別住院生涯。不過三姨太陳婉珍昨日透露，賭王未來仍要多次進出醫院，直到穩定適應家居生活為止，家中更請了三個看護助陣，何家上下以至傳媒，將要繼續在醫院長期「抗戰」。
賭王何鴻燊由去年7月在家中跌倒後，一直留院，直到今日已半年，其間只離院一次，出席澳門回歸10周年慶典。何家幾房姨太和子女，每日到養和探望，昨日長房女兒何超雄、三房女兒何超雲等都有現身醫院。
保證人手足夠
三姨太陳婉珍早上探病後，再到上環出席東華三院新春團拜，她透露最快今日會知道賭王出院日期，她說：「啲醫生陸續返，再等全家人一齊開會決定。」她謂賭王不會出席何超雲的生日派對，又謂賭王已可以出院，她說：「出得院，差在幾時啫，屋企完全準備好，唔使一個月，到時好似homeleave咁，返一陣（屋企）又返去，等佢習慣吓，返多幾次，就可以真係返屋企喇。」她謂賭王愛吃有味飯，如田雞飯、牛肉飯，家中更已做好防滑措施及聘請三個特護，保證有足夠人手。
子女何超蓮及何猷啟都埋頭拍拖，問三姨太可會覺悶？她說：「唔悶，我又做東華，最近又做廣東省政協，開過會，好多嘢學，見識多，先可以畀意見，因為佢哋個個都好有見地，何生都叫我畀心機。」
睇淡子女戀情
至於子女的豆芽夢戀愛，三姨太則不放在心上，陳婉珍說：「個個年輕人都會拍拖，結婚先係真嘅，家得個講字，男女都會花心，最尾結婚嗰個先算係，拍兩、三個月就甩拖嗰啲，都見怪不怪。」
採訪、攝影：LawWaiMan、RubyWoo
