係人都話跟股神畢菲特炒股無錯，咁你又會唔會跟比爾蓋茨炒股？虎年第一個禮拜，原本幾乎空倉嘅梅琳達蓋茨基金（QFII）又殺入A股市場，唔聲唔聲以每股38.05銀（人民幣．下同）認購300萬股醫藥化工企業新和成。
新和成攻維生素E改造
雖然華華買唔到A股，但都想八吓新和成係咩料，睇吓香港有無同類嘅股可以跟買。原來，新和成主打產品係維生素E進行異地改造。華華睇過國泰君安報告，認為呢單生意算抵，因為產品維生素E進行異地改造，一旦搞得掂，生產成本慳到5巴仙，為公司提供利潤8000萬銀，更何況維生素E今年有機會升價，特別係春節後，農民開始畀母豬生小豬，仲會喺母豬食物入面加入維生素E，減低豬BB嘅死亡率，提高生產量。
另外，華華睇番蓋茨基金舊年戰績，發覺喺第四季度幾乎空倉嘅情況下，有一隻股票，蓋茨基金從08年第二季買咗之後就一直冇沽過，呢個就係同樣受社保基金青睞嘅鹽湖集團嘞。鹽湖集團係國內氯化鉀嘅生產重要基地，社保舊年第二季進駐後，第三季都仲增持緊。
蓋茨基金同社保基金對鹽湖集團嘅偏愛，唔知道係咪因為睇好今年鉀肥行業嘅增長潛力呢？
李華華
mailto:[email protected]