將軍澳地皮以市場預期上限賣出，成績較預期理想，以目前呢個水平估計，而經濟又無風無浪的話，將來項目建成後，同區二手樓價起碼達到每方呎6000元水平，係咪泡沫見仁見智。事實反映，發展商積極投地，明顯看好後市。
港股回升483點，以20377收市。內地紅盤雖未能高開，但以港股昨日表現，似乎美國上調貼現率之影響已消化。不過，大市成交真係奀，連440億元都唔夠，究竟係乜嘢一回事？再睇多幾日大市成交表現，若然都係冇起色，咁就頭痕啦。
獲納入MSCI新興市場指數的中芯（981）有買盤湧入，股價勁升16.6%，報收0.77元，並帶動同類股份異動，其中華潤微電子（597）升6.1%，收報0.345元，成交明顯增加，後市有力突破三角形降軌0.35元，挑戰0.425元頂部阻力。
去年華潤微電供股集資4.4億元後，不時傳出母公司注資的消息，市場亦估計，注資計劃將在8吋晶圓項目成熟後進行。
方星俠