靚靚惡妻趕絕債仔

靚靚惡妻趕絕債仔

袁詠儀(靚靚)昨日以Lancome美白系列BlancExpert新代言人身份,在中環出席記者會,更找來好友張家輝撐場,兩人在台上互爆,家輝指靚靚是惡女人,靚靚則踢爆家輝怕老婆關詠荷常被恰。
靚靚謂不介意外間人覺得她是惡妻,她說:「都好,都幾惡o架,咁個仔曳,老公又鍾意出去玩時,梗要惡啦。同埋我哋做呢行,啲人以為賺錢易,會問你借錢,咁就冇人敢問我囉。」惡妻趕絕飛來蜢?她則說:「冇得擊退o架,要留啲空間畀佢諗,我冇任何招數對付呢啲,咪等佢自己諗吓。」

家輝怕老婆

張家輝也直認怕老婆,他笑說:「我身邊好多惡女人,屋企又冇碇企,好慘!我喺電影度就殺人放火,返到屋企就做綿羊。不過,男女邊有公平,相處之道就係乜都係我唔啱,咁就和平喇。」
採訪:JessicaNgan
攝影:PangChungYin