一所古老大學永遠不乏經典傳統與點滴人情。像香港大學，至今仍保留教職員聯誼會（SeniorCommonRoom），不管講座教授還是小職員，下班後同樣可以呷一口餐酒，在維港暮色中暫時放下理智與邏輯。日落晚風中，向他們奉上一杯金黃色汽酒的酒吧部長李潔英，由當初英語欠佳的黃毛丫頭到今天曾侍奉四任校長，35年歲月像一株不謝的海棠紅，映照着西區半山一組古老的建築。
努力學會英語
李潔英一家三代都與港大結下不解緣。父親當年在港大當個小職員，女兒則千禧年於港大畢業，而她自己也把握了十三分之一的機會，35年前成功踏進這所高等學府，「當年得17歲，阿爸有日叫我去大學見兼職侍應，一屋13個兄弟姊妹只係叫我去，去到見我嗰個仲係西人，但最後都得咗，我估應該係我有笑容同膽識啩！」結果兼職變長工，也見證了會所的變遷，「由孔慶熒樓搬到梁銶琚樓，中國人越來越多，我哋開始有炒麪炒飯小菜叫。」
由港大首任華人校長黃麗松，到王賡武、鄭耀宗到今日的徐立之，李潔英都侍奉過他們進餐，「個個都好隨和，最初兩位比較少來，鍾意食西餐。之後嘅鄭校長同徐校長就鍾意食中餐，徐校長就更加要少肉多菜少油。」99年黃麗松伉儷重返港大，黃太突然失蹤，「嗰陣好擔心，知道黃太太最鍾意喺港大附近行山，有時都會望吓附近見唔見佢，結果兩個月後發現到佢（遺體），好唔開心。」
校長以外，還有一眾教職員，派對、春茗、小型酒會，李潔英每月總有忙碌日子，「好多教授平時冇乜嘢講，來到呢度又唱歌又跳舞，有教授以前喺度坐足成日，不過近年工作忙，冇乜呢啲場面。」有次為一位醫學院驗屍官搞送別派對，「結果撞正八號風球，有部份客人照樣來到，結果要照搞，好記得返屋企嗰陣大風雨到人都吹得郁。」
35年來李潔英憑着努力，學會一口能與教授閒話家常的英語，練成一對辨別餐酒好壞的利目，大學最近給了她一份禮物：長期服務獎，「其實以前有諗過走o架，但女都生埋，做人都係穩穩定定好，何況你喺出面茶樓做部長，又要賣月餅又要賣蘿蔔糕，邊有呢度咁好？」
記者夏志禮