周秀娜（Chrissie）入行以來是非不斷，最近有份拍攝邵氏新戲《敗犬多情》，敖嘉年於拍攝場地被偷財物，有報道指同片的楊千嬅言談間，似暗示Chrissie牽涉入事件。昨天Chrissie於銅鑼灣出席活動，被問到財政狀況，她笑說：「我呢排話買樓，都由上年手緊到家。」
牽涉入片場失竊案，正常人也會心有不甘。敖嘉年拍攝新戲《敗犬多情》時被偷財物，周秀娜捲入事件，她昨日到銅鑼灣出席香口膠宣傳活動時似有備以來，並笑着說：「哈哈哈，我嗰日都喺度，係新年後第一日做嘢，本來好眼瞓，我啱啱喺日本做完嘢返嚟，人喺飛機上面都暈暈哋，突然聽到有人唔見嘢，個人醒晒，有一齊搵，但搵唔到。」被指與事件有關，Chrissie以活動宣傳口號來揶揄：「唔會啩？咁我再托多啲香口膠返去，觸動大家快感，觸動視覺。」
「宣傳橋錯晒」
雖被誤會，但Chrissie指可能是宣傳伎倆，她說：「呢個宣傳橋錯晒，套戲講weddingplanner，唔係講歲月神偷，諗錯隔籬喇！」問她最近財政有沒有問題，她笑着說：「我呢排話買樓，都由上年手緊到家，哈哈，其實一直都OK。我新年唔喺香港，但男朋友幫我掃咗好多利是。」新一年是非已衝着來，Chrissie卻說：「多是非，係咪即係人緣好，桃花旺？」惹上不利新聞，何來人緣好？她說：「大家拍得開心，錯晒，宣傳橋錯晒！」
盛讚千嬅搞笑
報道更指千嬅不滿Chrissie靠身材上位，Chrissie說不覺得被劇組人員杯葛，與千嬅關係良好，她說：「大家有傾有講，都有收丁太封利是。未埋位大家會講無謂嘢，有千嬅氣氛會好好。」問到她收起身材出席活動，她又哈哈笑說：「一向喺度，只係魂魄未返啫！」經常笑笑口，莫非被千嬅大笑姑婆性格感染，她說：「係呀，都話佢nice啦！」採訪：王連連
攝影：陳俊強