花旗聯儲局加貼現率，即刻掀起千重浪，息魔再現，股民點會唔驚，不過上禮拜五花旗股市不跌反升，因為專家話聯儲局政策冇變，加貼現率只係要收回銀行多餘資金，港股ADR即刻反彈。
承接ADR嘅升勢，港股好友今日會大反攻，有機追番上日嘅失地。
中銀C輪17248：中銀香港（2388）上周五報收17.34元，升0.9%。股價突破50日線炒上，技術走勢好靚，又有成交配合，好大機會升破17.60元向19.20元推進，可以諗吓隻C輪17248。
隻輪現價20.2仙，2010年12月30日到期，行使價18元，溢價15.4%，引伸波幅38.6%，有效槓桿4.3倍，正股升上19.20元，隻輪睇30.7仙，正股跌穿16.50元，就沽咗隻輪止蝕。
俊樺