東方表行（398）有強大富貴同胞做後盾，應該越做越肥仔，趁跌市睇位兜轉。東方表行2010年半年度（9月底止）純利倒退5成，到3430萬銀。集團上半年仲受到金融海嘯困擾，業績倒退，冇計。但要咁睇，就當東方表行下半年純利同上半年睇齊，全年純利6860萬銀，預期PE都係得9倍單位數。又祖國同胞越嚟越富貴，已經有估計，內地富戶喺2015年嘅奢侈品市場消費額，將高達1.3萬億港銀。呢批購買力一釋放，東方表行中、港兩邊市場，一樣受惠，兼應該越嚟越肥仔。
集團2011年回復正增長，純利上番1億銀，預期PE得番6倍單位數，好抵搞。呢轉趁調整，住支持位1.48元入市，擺中線，以2011年10倍PE做目標，東方表行要見2.60元，潛在回報率75%。
達成1.03元兜一轉
達成集團（126）最新NAV2.88元，現價1.12元折讓61%，若果連埋集團內房物業及土儲重估，實際折讓肯定更大。又達成2010年半年度（9月底止）純利爆升22倍到3.9億銀，就當全年度純利維持呢個數額入賬，預期PE都係得3倍幾。呢轉吼實達成半年橫行低位1.03元兜一轉，短打博升20%到1.23元，NAV折讓仲講緊高達57%，實情仲有大把向上收窄空間。
錢雋