【美味消夜】周日葡超爆發大戰，由第3位的波圖迎擊次席的布拉加，波圖近期行運行到腳趾尾，有力挫敗強隊從而向「1哥」賓菲加施壓。
波圖上周中歐聯16強回合贏阿仙奴之戰成為球迷熱話，波圖贏波固然要多得阿仙奴守將接連犯錯，加上一個愚昧球證幫一把，但亦反映波圖兵臨場應變能力高。該仗兩大功臣施維斯達華利拿及法卡奧今仗勢必威脅布拉加大門。布拉加當然不是善類，過去19場聯賽錄得15勝3和1負，而守將摩西斯莫拉及時停賽刑滿復出，可惜面對一支主場見勇態，又鴻運當頭的球隊，恐怕會處下風，值得取1.72倍主W。
塞圖巴爾硬拿華
同日早場塞圖巴爾主場對拿華，主隊有去仗被逐的葡萄牙鋒將希達巴保沙停賽，但同時有中場尼卡復出，面對客場入球太少的客軍可望勝出，同樣捧主W。
至於里奧艾維主場對費利拿，主隊近期在防守方面的表現改善不少，對上3仗僅失1球，不過費利拿的客績聯賽相當標青，9戰3勝3和3負，故主隊似乎是讓唔起，一於捧費利拿[+1]「客勝」。文：藍鑽石
主客和/混合過關
星期日40波圖勝（1.72）
星期日29費利拿勝[+1]（1.57）x
星期日30塞圖巴爾勝（2.15）x
星期日40波圖勝（1.72）3x1
備忘
波圖主場守力穩，今季18場主場比賽中，有8場不失球。