忽然富貴兼「升呢」為港版林志玲的林莉，昨日與陳柏霖前女友MandyLieu，以及曾與小豬羅志祥合演《海派甜心》的台灣模特兒吳亞馨等人，於會展情人節婚紗展行騷。當中吳亞馨更以谷胸姿態挑戰林莉，而她的同門「萬寧哥哥」沈志明則在台下為她拍照造勢。
Mandy唔抗拒復合
林莉表示第一次行婚紗騷，已覺得有幸福的感覺。她透露近日再度遺失iPhone手機：「一年內唔見咗四部，最唔開心有啲電話未backup，當自己破財擋災。」對於有消息指她繼續富貴，到跑馬地睇過百萬廚櫃，她說：「之前拍節目拍過嗰間舖頭，加上我家姐呢排裝修，我都係同朋友去睇吓，我嗰日係去混吉。」林莉對於忽然富貴的報道，她表示：「自己淨係希望努力工作，她想今年可以買樓，目標係買幾百萬嘅樓。」
此外，MandyLieu昨日第一日復工，她表示：「新年都係返怡保同契媽過年，都到好多利是。」問到回復單身的她身穿婚紗會否觸景傷情，之前有否考慮過與柏霖影婚紗相，她說：「冇諗過，我哋係好朋友，新年都有聯絡過。」記者追問會否有機會復合，她說：「好難答，祝大家新年快樂。」Mandy對於迎接新戀情表示隨緣，不過會以工作為先。
採訪：羅慧敏
攝影：陳順禎
