年初二去了睇煙花，一心想睇得舒服點，訂了自助餐邊睇邊食，誰不知駕車途中遇上輕微交通意外；當時我感到車尾被撞，然後我亦撞了撞軚盤。可能我轉線時太慢，而令肇事司機判斷錯誤。
其實大家都有錯，他原本還獅子開大口要我賠5,000蚊，但講價後改為兩隻「金牛」，最緊要大事化小，不會有下次。馬體會上場打出今季代表作，2:1擊敗巴塞隆拿，我就希望馬體會有下次，能乘着上場氣勢，今仗作客艾美利亞可再下一城，至少保不敗。
馬體會於周中歐霸盃，領先情況下被加拉塔沙雷追平，下周更要作客土耳其；有見及此，馬體會今仗或留力，狀態大好的科蘭和阿古路都可能不會打足90分鐘。而根據近5次對賽往績來看，當中有3場打和，另外兩場是馬體會大勝，依然可睇高一線。
艾美利亞近況不俗，近3場不敗，入6球失4球；不過該隊現只比降班區的特內里費多3分，依然要為擺脫降班危機而努力。艾美利亞今季演出欠穩，起伏變化大亦較難捉摸，首循環憑皮亞堤梅開二度和馬體會，今次要看緊他多一點了！
貼士：
主客和：星期日34馬德里體育會勝（2.25）
依雯nowSports主持
電郵：mailto:[email protected]