香港的急促節拍與巴黎的慵懶「磨日子」氣氛明顯是十萬八千里的差距，居住在巴黎的造型師兼設計師TitiKwan卻仍然不喜歡「磨」，依樣港式快、狠、準，早前巴黎2010秋冬男裝時裝節，他為多年老友重操故業，72小時內答應、準備至完成Blaak的時裝騷Co-ordinationDirector一職的工作，有興趣再次深入時裝界前線，是他在控制範圍下，令有星味現實靚男再現天橋。
撰文：梁錦貞
王菲復出開個唱，歌衫未看先引來十萬個期待。阿菲長期戰友、居住在巴黎的TitiKwan，適應了當地的「磨日子」生活，卻同時可立時歸位港式的快、狠、準模式，早前巴黎2010秋冬男裝時裝節，他接了相識多年好友、SachikoOkada及AaronSharif（品牌Blaak夫婦設計組合）一個電話，72小時內完成他十多年前的故業─ShowCo-ordinationDirector一職，將適當的模特兒排位調度，示範Blaak精簡、手工好、有少少bling─最重要是易carry的新裝。
否定十年潮流
TitiKwan神經刀時「磨日子」，休息時喜歡推出自己設計系列，這次又重操故業，他說：「我一向冇用方法搵嘢做，人哋覺得我啱做、做到咪搵我，但係搵親我都係『杰』嘢！」令他長時間好像停下來的原因是：「我根本唔同意、唔欣賞呢十年間時裝界發生嘅現象，今次我做男裝騷，就講番同男裝有關嘅現象。初初入行時，個個設計師都好有自己嘅睇法，家就變咗係要做啲嘢畀人睇到，唔可以話做到一樣嘢流行出嚟，就話呢樣嘢叫靚！」
80年代煲大咗
對於模特兒的要求，TitiKwan有自己一套，他說：「嗰啲冇神冇氣、過瘦、太後生嘅男模特兒，呢啲人亦唔係我世界裏面嘅人，根本只會曇花一現。另外一樣嘢係80年代時式終於接近玩完！80年代乜都係煲大嘅，90年代中期先至係我嘅favourite，人靚、衫靚、又fine又functional，Blaak就係90年代嘅產物，所以我要行騷嘅男仔都係有現實嘅星味光芒，打個比喻就係好似陳奕迅同余文樂嘅混合體。」
人情牌打出型模
為Blaak2010秋冬騷任Co-ordinationDirector，TitiKwan屬意每個模特兒都有不同個性，不是千篇一律「呢期流行」的男模，當中專業男模只有5個，其他均屬打友情牌，但個個各有個性的人選，包括有今期ItBoy、從Givenchy行出青雲路的JakobWiechmann、嘉芙蓮丹露孫兒Igor、打頭陣出場的華裔男模DavidChiang、《POP》MagazinestylistMax及懂自調香水的長髮男生Barnabe等。
