自小鍾意搭巴士多過搭港鐵，一嚟車費比較平，又多位坐，二嚟坐上層可以睇吓風景，唔經唔覺就到站。
不過近年對巴士公司啲所謂增值服務開始不滿，啲所謂電視頻道，廣告多於一切，聲浪太大又阻住瞓覺，而且「熱狗」已接近被淘汰，當然大熱天時坐冷氣巴好舒服，但呢排天氣咁凍，已經冇需要坐冷氣車，乘客要畀更貴車費外，廢氣又多，對環境都唔好。講開巴士，據聞英國坐巴士就夠晒浪漫，巴士車身又夠得意，不過之前去英國就冇機會坐，只係試過坐未講完地址已經開始跳錶嘅的士。
英國巴士就未坐過，英國足球就比較熟，周日場「4哥」大戰，我信曼城可以擊敗利物浦，你信唔信?
牽牛
近5場往績：LLWWW
主客和：曼城勝
心得：曼城主場有保證