她不但要做鎂光燈下的女主角，還要做另一半生命中的女主角。24歲的江倩寧Kitty患唐氏綜合症，在社企任職侍應，一次偶然機會讓她踏上星途，在銀幕下飾演自己，向大眾講述唐氏綜合症患者的生活苦處，下一個目標是努力學烹飪，然後當廚師、開餐廳，最終目標是為男朋友煮飯炒菜，做美味的番茄炒蛋。
Kitty在唐氏綜合症協會附屬社會企業「優閒堡」餐廳工作，最大嗜好是返工，「鍾意呢度啲同事，因為好合作，冇得返工會唔開心。」Kitty媽媽江太說，女兒向來缺乏自信，性格內向，為鼓勵女兒與外界接觸，應徵拍攝港台電視劇。
戲假情真當場大哭
短短六天拍攝，令Kitty學會電視內的不盡是現實，「佢以前覺得好多嘢都係真，但原來好多嘢都係假，好似爹哋、媽咪、家姐都唔係真。」導演李業華說，劇中有一幕要Kitty不小心打破玻璃樽，Kitty表現得有點抗拒，劇中的姊姊來接她，「我戴住earphone，聽到佢細細聲講『唔係我打爛』。」
真假交錯，Kitty不只一次感混亂，江太說，八、九年前有次下大雨，Kitty在巴士上錯認另一位婦人是母親，早了下車，結果二人失散，Kitty四處問路，經途人指示乘車回家，一開門就大哭，劇中重演這一段，Kitty反應很大。
李業華那天在天橋上拍攝橋下的情況，「突然間下面靜晒，cameraman又唔郁，咁我嗌唔嗌cut好呢？跟住佢哋打上嚟，話『唔好cut呀，佢喊緊呀！』吓，我冇叫佢喊喎，可能係因為呢段令佢諗番起嗰日唔見媽咪嘅情景。」
心底裏，Kitty最希望戀愛夢成真，「我想賺錢，賺到錢之後可以拍拖，因為媽咪講過勤力啲做好嘢，大個啲先拍拖。」但其實Kitty也曾隱瞞媽媽，有過秘密戀情，微笑着說對方勤力又「靚仔」，「佢畀隻手出嚟，叫我拖。」
學好烹飪 想開餐廳
Kitty曾經煮過咖啡給前男友喝，最拿手做炒飯、蒸魚和炒菜，現時目標是學好烹飪，希望未來可以當廚師、開餐廳，做美味的芝士蛋糕，給男友做番茄炒蛋。
Kitty擔任主角的香港電台電視劇《沒有牆的世界》第7集〈煙花比她寂寞〉，明晚7時在無綫電視翡翠台播出，觀眾可於港台網站重溫。
記者 張嘉雯