農曆年假轉眼就過，新正頭充斥唔多愉快嘅新聞，好似接連發生樂極生悲事件、美國佬失驚無神調高貼現率，當然，對我呢種睇波廿幾年嘅中坑嚟講，對亞洲第一中鋒離開感觸至深。
85年某個下午，我睇住香港主場對日本嘅世盃外，如果冇記錯，頂爆日本仔大門為港隊破蛋嘅就係尹佬，嗰球波應該係喺我生平首次喺電視機前興奮到彈起，佢嗰份拼搏真係後無來者，其後睇佢做講波佬、拍戲一樣咁專業。至於米雪姐亦冇得頂，初二仲睇住佢好開心喺婦女節目做嘉賓，第二日就痛失愛侶。蒼天弄人，但至少畀佢兩個過埋情人節，總算喺佳節抱緊眼前人。咁諗，大家會釋懷啲。
人生得意須盡歡，去盡，貼波亦要珍惜眼前氣勢，捧卡利亞里。
藍鑽石
近5場往績：WLLWW
主客和：卡利亞里勝
心得：信卡軍有風駛盡