周五12/02
斷AC波膽真冇癮
早認定AC米蘭穩勝烏甸，但作為普羅球迷，開飛1.5倍W點夠食，故決重點下注[-1]同3:1，4:1波膽跟住瞓覺；唉，始終運氣差啲，完場前被烏甸扳回無意義的2:3入球，冇癮。
閒贏指數：★★
周六13/02
買紮花求轉好運
年卅晚，本報重點新版面〈超級開倉〉同波友見面，小弟自是緊張；可惜重點推介雷丁兩度領先仍被追和，平手盤買咗得個桔，安慰係其餘名家重心推介中晒，失意的我惟有冒雨落花墟買紮花轉個好運嘞。
閒贏指數：★★
周日14/02
大年初一發小財
喺擂台持續頹勢，重點推介維拉也未敢重押終失手；反而留有注碼，出擊馬體會「大」戰巴塞，結果捱夜睇咗半場精采嘅西甲，瞓醒見賽果同半場一樣，中冷W夾落波爾多贏3:1，新年發個小財。
閒贏指數：★★★★★
周一15/02
天寒地凍亂石投林
歐聯大戰前夕，第二朝又冇股市，天寒地凍，買定一百幾十蚊飛，飛撲上床瞓個夠好過，一瞓覺醒來，買嗰啲垃圾波全部開對家，吹脹！
閒贏指數：★
周二16/02
捱更抵夜捧紅魔
周二曼聯作客AC，戲碼比周三強，當然要捱夜捱凍睇碧咸點倒戈，賽前對曼聯不敗極有信心，結果英超球會再以比賽速率壓倒意國球會；美中不足係愛華頓喺歐霸完場前失番一球，2:1，波友夠食嗎？
閒贏指數：★★★★
周三17/02
法比安斯基難再抬頭
阿仙奴排半殘陣，莊家睇唔起，未到半夜已轉波圖讓球，俾人睇唔起唔緊要，最重要自己爭氣，全場其實不落下風；但法比安斯基經典兩失球，我想佢難再喺倫敦抬起頭。
閒贏指數：★★★
周四18/02
捧川迪W瞓醒收錢
歐霸盃未入肉冇興趣睇住，不過看上川迪冷W，近兩季越踢越好，德軍不來梅作客憑乜仲要讓呀，瞓醒，收錢！
閒贏指數：★★★