女子足球員通常都幾健碩，國泰亦有隊女子隊，佢哋射術點八方未知，但係艷光肯定射爆網。全隊15人，隊長係空姐，最近一期國泰內部刊物《國泰天地》同佢哋影咗張團體相，全隊着住愛華頓球衣，啲球衣係愛華頓主席BillKenwright送嘅。
原來BillKenwright舊年11月嚟過香港，返倫敦時喺國泰頭等艙遇到國泰女足嘅隊長BarbaraLewis，大家暢談波經，講到好投契。BillKenwright好欣賞國泰女足嘅精神，即場答應贊助波衫。Barbara初時以為佢講客氣說話，點知冇耐真係收到成箱愛華頓波衫。國泰女足家仲招募緊新血，不過要係國泰女員工先合資格。