花旗股市前晚大幅造好，港股噚日紅盤高開，虎年發頭威，恒指高開接近400點，不過好快就有回吐，投資者入市興趣唔大，恒指喺靜市中升265點收市，報收20534，睇嚟呢幾日港股都會喺淡靜市中反反覆覆。
全日上升嘅正股超過600隻，即係話郁動嘅股票都唔少，可以細細注選擇性吸納短炒。
馬鋼C輪13053：馬鋼（323）昨收4.83元，升1%。股價升破20日線，短線有機試5.30元，破位睇5.80元，可以諗吓隻C輪13053。
隻輪現價9仙，2010年6月24日到期，行使價4.49元，溢價11.5%，有效槓桿3.4倍，正股升上5.80元，13053有機見16.1仙，有接近8成升幅，如果正股跌穿4.55元，就沽咗隻輪止蝕。
俊樺