「佢（陳耀裘）個人好sporty，做好多運動，社際隊有比賽，就會喺Sportscentre（運動中心）見到佢。」昨日打高球時猝死的醫生陳耀裘，1974年畢業於香港大學醫學院，取得內外全科醫學士資格。當年與陳醫生同期在港大畢業、曾在伊利沙伯醫院共事的心臟科專科醫生鄭俊豪昨憶述故友時稱，陳耀裘是港大利瑪竇堂宿生，年輕時熱愛曲棍球等運動，為人開朗健談，跟同事及病人相處融洽。
「冇時間同佢自己檢查」
曾在伊院心臟科任職的心臟科專科醫生何鴻光指，他二十多年前入職伊院時，陳耀裘已轉為私人執業，性格和藹可親，「佢屬於好senior嗰輩。有啲睇過佢嘅病人都喺我面前讚佢，話佢好好人，好照顧病人。」
何與陳間中碰面，會點頭問好，「佢身形好fit，平時好精神。突然間咁樣，我都覺得好可惜。醫生都係人，都會有隱疾。」
心臟科專科醫生黃品立慨嘆，本港有約200名心臟科專科醫生，約四分一已半退休，不足以應付全港數以萬計心臟病患者，「工作量好大，一餐飯五分鐘食完，食咗乜都唔知。成日幫人檢查，但冇時間同佢自己檢查。」
他說，壓力大是心臟病高危因素，面對高壓者發病風險比一般人高三倍，年長及男性心臟科專科醫生是高危一族，希望本港醫生團體效法英國，為同業設體檢計劃。
本報記者