【別了尹佬1956-2010】抗癌18年的尹志強前日終抵不住病魔纏擾離世，其外甥梁漢文（Edmond）昨日強忍悲痛出席記者會，大讚舅父在球場不打茅波品格高尚，在抗癌戰役中從不退縮，以驚人毅力奮戰到底，絕對值得香港人學習。
有「亞洲第一中鋒」美譽的尹志強自18年前患上鼻咽癌後，一直與病魔抗戰，直到前日大年初三終因身體機能衰退離世，終年53歲。尹佬的離世令大家傷心不已，除了與他相愛26載的米雪外，與他感情要好的外甥梁漢文（Edmond）也十分難過。
「細細個已經好欣賞佢」
Edmond昨日收拾心情與米雪、尹佬胞妹Connie、尹佬好友李子雄等人到九龍塘九龍仔業主會舉行記者會，交代尹佬的身後事，記者會中Edmond強忍哀痛，在場訴說與舅父的情誼，說到感觸處時眼濕濕及鼻紅紅，心情相當難過。
Edmond說：「啱啱舅父離開咗（深深吸一口氣），好坦白講，呢個病都纏擾咗佢一段時間，相信身為佢親人、朋友、佢身邊嘅人（指一指身旁的米雪），其實都唔好受。喺呢個咁長嘅時間同癌魔抗衡，我覺得佢呢份毅力好值得香港人學習。雖然佢離開咗我哋，但喺我心目中，由佢踢足球，我細細個十幾歲已經好欣賞佢。我覺得佢最值得欣賞嘅地方，係佢無論俾人點樣侵犯，點樣踢佢，佢都唔會打茅波，繼續keep住體育精神，佢呢份精神值得後輩學習。」
梁漢文自小受尹佬影響而愛上足球，尤其享受看他作賽，從中吸取心得。不過當時踢甲組的尹佬經常要練波，切磋球技的機會不多，直至近年加入明星足球隊，以及06年為某運動品牌舉行足球比賽，兩人才有機會並肩作戰。
舅父支持入行做歌手
Edmond當年為香港青年軍，曾獲舅父邀請加入南華會以繼承其衣鉢，但最終Edmond選擇參加新秀歌唱比賽做歌手，尹佬也相當安慰：「佢細細個唱卡拉OK已經似模似樣，最終揀唱歌冇踢波，都算明智。」Edmond08年與Karen拉埋天窗，他極希望能邀請尹佬見證人生大事，可惜尹佬病情反覆，未能到場，成為一件憾事。
因與米雪93年拍攝處境劇《開心華之里》飾演夫妻而與尹佬成為好友的李子雄，昨日也有到場。身為明星足球隊的隊友，李子雄表示當尹佬擔任球隊的教練安排出場陣容時，隊友們踢波都特別放心，他說：「雖然自己嘅腳法唔好，但尹佬都一直安排我當正選球員，希望尹佬去到另一個國度會更加開心。」至於尹佬的好友譚詠麟昨日接受電話訪問時就表示已得知尹佬病逝的消息，但因他現時不在香港，所以一切都要等回港再詳談。採訪：駱華齡
攝影：彭琮然