既是退役球壇名將，又是影視圈中人，尹志強病逝，圈中人均表痛心。任達華和尹志強識於微時，既是波友又是摯友，早年尹志強抗癌，面對龐大醫療費，身邊一班老友出錢出力。任達華表示早前曾探訪尹志強，當時他的健康狀況反覆。
任達華：好唔安樂
任達華說：「尹佬同我哋用紙筆溝通，佢病情時好時壞，佢屋企人同米雪都做晒心理準備，接到佢死訊，我都好唔安樂，但大家都要接受呢個事實。」任達華稱讚尹志強是一個積極面對病魔的勇士。
任達華又表示：「尹佬當年知道自己患癌，佢好樂觀面對，佢份人又好到不得了，對朋友對家人好有義氣。雖然佢離開咗，但生前有我哋呢班好朋友一直支持，係佢嘅福氣。就算佢去到好遠嘅地方，我哋心靈上仍然可以溝通。我希望米雪可以好堅強面對，等佢走得安心。」
鄧兆尊與尹志強認識於明星足球隊，後來兩人在內地的高爾夫球場相遇，尹志強還主動教他打球，算是他半個師傅。鄧兆尊說：「我初學打高球時，尹佬見到曾志偉欺負我哋啲新仔，會睇唔過眼教我打波，佢真係好有義氣。」
郭富城同樣於足球場上認識尹志強，早年兩人曾在球場較量。對好友病逝，他感到惋惜說：「足球界失去亞洲第一中鋒，係令人好惋惜同好難過，希望佢一路好走，同時希望佢家人可以節哀順變。」本報記者