大新銀行（2356）半年內接連同城中一級學府推出信用卡，由於主席王守業係男拔萃校友，舊年9月率先推出「大新出類拔萃白金卡」，今個星期五（19號）又會推出「大新瑪利諾修院學校VISA白金卡」，今次兩者又有乜緣份呢？原來王守業夫人就係瑪利諾校友，促成推出呢張信用卡。
男拔萃同埋瑪利諾都係九龍塘一級名校，唔通王氏伉儷係喺讀書時嘅聯校活動相識？星期五嘅記者會就喺瑪利諾學校禮堂舉行，一度作為瑪利諾鎮校之寶嘅「鬼樹」，由於越生越斜，被視為「危險品」，今個月初已經被移走，令到唔少瑪利諾校友含淚送別呢棵歷史悠久嘅「鬼樹」，唔知使用呢張學校卡簽賬，會唔會有捐款支持「鬼樹」重生呢？