今年首拍賀歲片的Angelababy，在《花田囍事2010》入面與搞笑能手鄭中基（Ronald）結片緣做情侶，Baby坦言好在二人對手戲不多，否則實被他弄致精神分裂，雖然拍戲辛苦，但早前Baby為朱古力展宣傳，特別着起朱古力製的裙子，又被朱古力照頭淋影靚相，工作總算苦中有甜。
楊穎（Angelababy）早前為海港城朱古力展宣傳，特別穿上曾與LadyGaGa合作的設計師PetraStorrs設計的朱古力裙，拍攝1比1大相。
Baby當日由晚上10時拍到凌晨4時，朱古力裙和十多磅頸飾外，還要被工作人員將一大桶朱古力漿照頭淋，朱古力漿入眼，搞到baby不斷流淚水，吃盡苦頭。
不過，笑言變了「泰國妹」的baby卻回味無窮說：「回家才發現脖子很累，那天我足足花了2小時冲凉，冲完後還覺得自己滿是朱古力的味道，不過朱古力facial做一次就夠了，哈哈！」
返鄉下放炮仗
至於在賀歲電影《花田囍事2010》裏面飾演公主的Angelababy與扮將軍的鄭中基（Ronald），初次合作賀歲片感覺新奇，特別是Baby，她說：「戲裏面我哋互相傾慕，不過佢講嘢真真假假好難捉摸，我又第一次拍賀歲片好多嘢都要佢教。」Baby笑言可幸跟他戲份不多，否則很易精神分裂。
過年期間，Baby會返家鄉上海過年兼放炮仗，感受濃厚的新年氣氛。
另外，去年以拍戲為主的Ronald今個情人節會在家中度過。
中基回歸樂壇
他說：「屋企人會出埠，我得幾日假飛得嚟都要返香港，所以屋企人會獨留子女即係我喺屋企等親友嚟拜年。」新一年Ronald希望除電影外，會放多點時間在歌唱事業上，希望再殺出一條血路。
採訪：何永寧攝影：林德雄
場地提供：dadaBar
鄭中基髮型：HoraceTse
服裝：Diesel化妝：YenLai
Baby髮型：AlexSo
服裝：SoniaRykielH&M
化妝：WillWong