今年大年初一兼情人節的雙喜日子，38年後才可以再相遇，不少明星名人都選擇與另一半留港度歲，兼慶祝浪漫的情人節。除傅明憲與男友莊家彬之外，徐淑敏（Suki）與夫婿黃浩（Kenny）前晚也手拖手到尖沙嘴凱悅酒店的Hugo's餐廳嘆法國菜。
預派萬元利是
陀着8個月大B女的Suki身穿黑色低胸上衣，白色外套，與Kenny嘆足三個鐘頭法國菜，離開時二人手拖手，而Kenny更手捧一束紅玫瑰，其間Kenny遇上酒店外籍高層，夫婦停下來打牙骱。
Kenny昨日接受記者電話訪問時說：「呢個係我哋拍拖到結婚以嚟第一個情人節，好有意思，揀呢度食飯，因為之前我哋都喺呢間酒店擺酒。」Kenny除送上玫瑰表愛意，更送上皮革銀包：「寓意Suki豐衣足食，我嘅身家咪即係佢嘅身家，佢銀包會脹卜卜。」二人第一年派利是，Kenny已預定要派五位數字。採訪、攝影：黃曉程、楊浩賢