陳慧琳（Kelly）去年誕下蝦餃仔後榮升媽咪，踏入虎年迎新歲，她自言過節氣氛都與往年不同，她會為愛兒佈置家居，令到家中更有傳統的過年氣氛，新的一年她則希望可追多一個女，湊成好字。
今年春節，陳慧琳一早在銀行兌換五位數字新鈔票來封利是，去年新年因為未有兒子，利是有出無入，Kelly笑言今年就不同了，蝦餃仔出世後，今年應該會有不少回報，不過她不會把兒子的利是錢據為己有，她會為孩子開一個儲蓄戶口，把他每年的利是儲起來，等他長大後就物歸原主。
新年下廚宴親朋
由於蝦餃仔只有七個月大，為免他出街感染細菌，Kelly決定過年期間不帶孩子出外拜年，她說：「我屋企一向都冇乜拜年嘅習慣，最多都係去啲好親嘅長輩度，但個仔咁細，所以我都係叫啲親戚嚟我屋企過節，年三十晚嘅團年飯就提早食，所以大除夕嗰晚過得好平靜，只係留喺屋企同蝦餃仔影相。」
大年初一Kelly屋企就最熱鬧，因為雙親、老爺及奶奶一起到她家裏食飯，Kelly還親自下廚煮一些意頭菜招呼親友，她說：「過年幾日假期，工人放假，我唔想下廚都唔得，唔好睇我咁新潮，其實我都煮到幾味o架！」
問到新的一年會否想要多一個孩子？她笑言：「我第一胎開刀生，最快年尾先可以再有BB啦，我梗係想生個女，咁就最完美，可以收工啦！」
兒子促進夫妻情
Kelly指有了兒子後，夫妻間也增進感情，因為老公減少應酬，下班就回家看蝦餃仔，而今年Kelly都是全力照顧兒子，所以連巡迴演唱會她都不肯做，她說：「做巡迴壓力好大，綵排時間又長，我唔想冇時間照顧個仔。」
採訪：陳月媚
攝影：林德雄
服裝提供：Dolce&Gabbana
髮型：GeorgeShum