【本報訊】為博女伴一笑，男士不惜荷包出血，四出搜索深情玫瑰；慣常新正頭收爐的花店，這一天也為情人開方便之門，但昨日鮮花的最低消費盛惠380元。第一次跟女友過節的Charles，手執紅玫瑰，一直微微笑，為情人節一天的歡樂，籌備了足足兩星期，他卻認為很「倉卒」，對着米高峯，他向女友再度表白，「我好愛你！」
25歲的Charles以750元買下18支紅玫瑰，「咁大個仔第一次買花，因為呢個女朋友我特別鍾意，佢唔知我嚟o架，我呃佢話我幫阿媽買嘢咋。」
喜歡彈結他的Charles，與band中的女主音拍拖，昨天到女方家拜年，晚上吃自助餐。問他有甚麼要跟女友說，他對着記者的米高峯說：「一齊咗唔係咁耐，但係我好愛你。」
另一位第一次與女友過情人節的陳先生，手執小束玫瑰趕赴情人的約會，最想跟女友說的話，也是「我愛你」。
玫瑰百合銷路佳
培記花店的職員指，57年一次初一遇上情人節，玫瑰和百合均好賣，「男仔買花都幾捨得，比較手鬆，但量就少咗，紅玫瑰最多人買。」現場所見，不少花店至下午只剩平價花束，貴價早已賣完，「唔止賣咗幾千支，好犀利。」有花店老闆表示，今年生意較去年情人節少三分一，因為沒有人訂花送往辦公室。