牛年歲晚份外寒冷，卓媽媽與諾仔非親非故，走在一起仍溫暖，只因他們愛着同一個男人，她愛她兒子阿卓，諾仔也愛。春節令同志倍感壓力，因為又要說謊解釋何時派利是，極少像諾仔，可登堂入室與男友的媽媽吃團年飯，這位媽媽懂得放開，「一味反對就少咗個仔，家反而多咗個。」
旁人總以為他倆是母子，診所護士也問卓媽媽：「係你邊位，咁乖。」卓媽媽爽快答：「仔囉。」23歲的諾仔感動，因為他只是她兒子的男友。
諾仔兩年多前當義工認識阿卓，半年後甜蜜相戀，但慢慢看到月亮背面，發現27歲的阿卓「成日無理取鬧」。他以為自己不夠好，才發現是阿卓從小因性格柔弱受盡欺凌，18歲時「出櫃」（向家人承認同性取向），遭掃出家門。
卓媽媽說雖已心裏有數，但不敢面對，「阿卓認咗，我個心反而放鬆咗，唔使再估。如果唔接受，咪冇咗個仔。」可惜，卓父盛怒，弟弟也有微言，卓仔多年也沒回家過年。
媽：識個好曳嘅女仔咪仲衰
卓媽媽對兒子不離不棄，獲悉他在公司也因性取向遭同事攻擊，心痛不已。在她眼中，兒子善良又俊俏，「最少兩次有女仔喺街見到佢就話鍾意，有個仲糾纏三個鐘。」只因性取向不同，媽媽的金叵羅變成地底泥。
「想俾佢知有人關心佢。」諾仔又與阿卓最愛的媽媽交心，「連佢睇醫生日子都入埋dairy。」阿卓終卸下防備，卓媽也將兒子變得開朗歸功諾仔，「如果佢識咗個好曳嘅女仔，咪仲衰。」
「我哋三個一齊食團年飯，新年就去我屋企拜年。呢個訪問都係畀佢嘅驚喜。」兩人笑意盈盈，幸福滿瀉。小童群益會「認識性傾向」家長支援服務社工周峻任說，父母面對子女出櫃易失措，甚至反感弄至僵局，少數像卓媽媽般開明。
媽媽已接納其同志身份，但諾仔帶男友回家拜年也感尷尬，「雖然畀咗心理預備阿嫂佢哋，但都係決定淨係同阿媽拜年。」而且他仍未向80歲老父出櫃。看來，要一家齊齊整整團年，同志仍須努力。