煲呔今年唔粉墨登場同太太一齊拍賀年短片，改為同麥兜、麥太卡通人物向市民拜年，一啲鍾情麥兜粉絲，見到懵盛盛麥兜慘遭出賣，同煲呔一齊上鏡，真係既心痛又憤怒，遲啲不如新增河蟹同草泥馬兩個角色吖！
特首拜年動畫以「回家真好」為題，有人指維權人士馮正虎前日獲准返上海度歲，特區推出呢套短片真係時間啱啱好，更思疑煲呔可能曲線低調聲援流亡海外異見人士。短片出街唔夠一日，即時被人惡搞，有人將曾太換上胡總個頭，諷刺煲呔趕住回家係假，急急向領導人交心才真。想睇煲呔向領導人拜年，可到 http://www.youtube.com/watch?v=x_4vTMiRr30