南非世界盃6月尾先開打，不過各大運動品牌嘅球衣銷售戰已展開，A字頭品牌在上年尾已推出多款主場球衣，主要賣點係平民版及player貼身版，深受香港球迷歡迎的日本隊，新衫已經喺亞洲盃外圍賽及東錦賽使用，貼身版標價更高達1,500大元㖭。
小弟屬法國躉，新設計腰間有3條紅間，可令大肚腩冇咁起眼，啱晒我啲肥仔。
U字頭主打英格蘭，今屆就玩復古，之前全白主場好壞參半，今次件全紅作客，亦係延續復古風，據聞是參照1966年的冠軍款，睇吓可唔可以好似茅山師傅咁，「借運」到南非。
東錦賽聽日煞科，日本同南韓屬世仇，就算兩隊都冇咩爭標機會都唔會留手，個人看高主場嘅日本半線。
牽牛
近5場往績：LWWWD
主客和：日本勝
心得：日本頭兩場分組賽較對辦