對鍾意睇波嘅人嚟講，農曆新年當然唔少得睇賀歲波，即使參賽隊越嚟越弱、即使球賽水平每下愈況，大年初一入大球場或者開住電視睇賀歲波已成習慣，撇開球賽氣氛好，半場聽吓啲本地球圈人向觀眾拜年，就算句嘢行到只係一句恭喜發財，都有份暖意。
當年啤酒商贊助嘅賀歲波，絕對係本地球迷嘅集體回憶，今年大年初一冇賀歲波睇，只得初四場，係球市興旺與否嘅指標；既然係大眾新年康樂活動，足總搞唔掂嘅，政府咁都唔伸出援手，抵打！
睇晒周六、日場次，信心最大都係馬體會主場對巴塞隆拿嘅「大」，主隊啱啱場西盃擺明留力，而巴塞前面火力足後防陣殘，「大」戰難免。明日年初一，就提早拜年祝大家「大」吉「大」利。
藍鑽石
近5場往績：LLWWL
入球大細：馬德里體育會（大）
心得：擺明有前冇後