【本報訊】荃灣荃昌中心一場因為驅鬼法事鬧出的糾紛有新發展，警方昨以涉嫌非法禁錮罪名拘捕道堂的一名茅山師傅及另一名男子；但法師的眾弟子堅稱師傅無辜，聲稱遭事件中鬼上身的女子誣衊，更逐一反駁事主聲稱被屈的過程，強調「人在做天在看」，一切交由警方調查。
否認恐嚇禁錮
「佢（事主鄧小姐）自己話一日之內見到幾次紅衣女鬼出入佢身體，佢都想救自己。」道堂的弟子聲言是事主自願來驅鬼，「我哋打開門做生意冇得夾硬嚟。」並指事主與師傅已經傾過價錢問題，但「未講實」，因為女鬼發火令事主衝出門外，師傅「見到佢（事主）就嚟死，如果衝出馬路點算」，所以立即替她做法事。
至於為何要將法事拍成短片，有弟子指因為「女鬼講嘢，大開眼界未見過」，所以才用手機拍下畫面，並指只拍了一段短片，是因為「開頭咁緊張，梗係影唔到啦。」
對於事主聲稱付不出36,000元法事費而被禁錮，弟子指師傅並無強迫她付款，「如果冇錢，畀360蚊都得，我哋叫佢隨意入啲香油。做場法事，燒咁多衣紙唔使錢咩？」至於36,000元是大師傅級數的收費，「但呢個定價都唔一定係真實收嘅價錢。」弟子稱，師傅一向遇到客人做完法事拒付法事費，都當幫了人做善事，不會追數。
姓梁法師的弟子更否認禁錮事主，事後亦沒有致電恐嚇，「我打過電話俾佢，唔到一秒就cut線，你哋去check吓。」
對於道堂弟子的版本，案中事主鄧小姐一概否認，堅稱自己被屈，她自己根本沒有鬼上身。
兩人獲准保釋
警方則表示，荃灣警區探員昨天拘捕兩名姓梁，年齡分別42歲及29歲男子，調查荃昌中心一宗非法禁錮案。兩人獲准保釋，下月2日報到。
記者昨晚再去道堂，有弟子反口稱自己只是善信，知道梁師傅被捕，但指上址有24小時閉路電視，有證據可查，相信「人在做天在看」，有天理、有公義，交由警方調查反而更好。