如果硬係唔想過時過節睇災難片，今回特別介紹多隻鄭秀文《LoveMi》演唱會，3DVD版，178分鐘夠你睇。唔係第一次講，我係Sammi粉絲，第一件事叫你睇《信者得愛》那幕，當MCJin幫手出來Rap時，Sammi的肢體動作都幾爆；如果唔係明知呢首係另類福音歌，仲以為係極端宗教崇拜，好嘅可以話係演出相當突破，差嘅留待大家睇完自己形容。
聲效方面，以DVD來講算不錯，Bass幾強勁，但畫方面，動作太快時幾矇，如果在正常速度時，卻又可以話好清，連Sammi左肩有幾處黑印都見到。而整體來講，隻碟係推得幾光，所以睇時LED背光燈不宜開到最盡。期待藍光版盡快出，相信會幾賣得。
