鍾欣桐和向佐傳緋聞，事後向佐兩度澄清，前晚就輪到向太出馬為仔出頭，身為向家準新抱的黃婉佩（Race）昨晚得悉獲向太力撐戀情時，如被注射無敵強心針，她在電話中說：「我唔想再回應，我由頭到尾都未驚過！」
與向太同一陣線
Race表示她和向太都知道向佐是個又乖又專一的人，她甜蜜地說：「我好lucky，男朋友又錫我，佢媽咪又錫我，今次向太出唔出嚟講嘢，我都同佢關係好好，我哋企埋同一邊o架。」Race重申男友沒有回覆阿嬌的電郵及SMS，「唔想俾人做宣傳，總之以後唔多講。不過向太都有叫個仔小心出面嘅女仔。」
向佐和Race的戀情始於去年4月，兩人拍拖後經常出雙入對，至上月向佐和阿嬌合演電影《前度》，有傳阿嬌向男方主動示好。
上周向佐向Race狂派定心丸，直認曾收到阿嬌的電郵，並與女友一起看電郵內容，當時向佐謂自己若令Race不開心會被阿媽鞭打，又稱他日電影宣傳再遇阿嬌不會尷尬，因尷尬的應該是阿嬌，在旁的Race聽男友一席話後感動得眼濕濕，同時更揶揄阿嬌。
採訪：李珮洳