王菲近日積極準備聽日年三十晚為中央電視台舉行嘅春節晚會演出，為其復出演唱會鋪路熱身。王菲經理人陳家瑛前日話王菲嘅2010年上海演唱會，已定於11月喺浦東世博演藝中心舉行五場，北京個唱定於北京五棵松體育館舉行，日期有待公佈，佢話：「細節將會喺春節之後確定，家未開始賣飛，暫時未知幾錢。」