內地最近先後有劉曉波同譚作人間接因為討論「六四」入獄，無論喺大陸定香港，「六四」始終係敏感話題，起碼歷史同通識教科書都絕少提及。偏偏《唐山大地震》作者錢鋼打破禁忌，宣佈喺香港大學開壇，以「六四」同中國當今發展為主題，開設一個「通傳媒，識中國」春季課程。
呢個課程係由香港大學新聞及傳媒研究中心主辦，錢鋼以中心嘅中國傳媒研究計劃主任身份講授，下個月開始授課，總共八堂，包括「八九．六四」事件的回顧與反思、貪官竊國與反腐倡廉、中國災禍史等等。課程已經招生，學費3,200元。浮雲指數跌到落深淵嘅煲呔曾，講親六四都激起民憤，八方誠心建議佢報名上堂，虛心學習國情，可能對佢嘅民望有些少幫助。