熊黛林（Lynn）昨日夥拍師妹Angelababy設計慈善老虎tee，Lynn笑言自己不是老虎乸，當提到有雜誌指她自爆焚城8招的報道，她最初表示對方炒作，但越講越激動，感到委屈，並即時瑟縮到佈景板飲泣分半鐘。
天王嫂熊黛林與同門師妹Angelababy昨日齊齊現身銅鑼灣，出席b+ab慈善tee活動，現場更展示二人設計的老虎tee，Lynn解讀她的設計時，更開玩笑說：「我係唔惡嘅老虎乸。」問到她有否恭喜城城憑《殺人犯》再獲金像獎提名，她心情十分好地說：「恭喜，好開心，佢做得好好，自己睇咗兩次，佢做得好好，會打電話恭喜佢。」
「覺得失晒信任」
問到Lynn有雜誌指她自爆「焚城8招」，她即收起笑容說：「一篇電影宣傳變成咁嘅訪問，我覺得失晒信任，條題睇到都好驚，好唔開心。」之後她越見激動，雙眼通紅，隨即走到場內佈景板，背着記者抽泣近分半鐘，工作人員即上前安撫她。
Lynn冷靜後繼續接受訪問，問到報道會否影響她與城城關係，她說：「唔係呢個原因，不過覺得件事好委屈，佢哋講一套、做一套，好多嘢都冇答過，好多嘢都係加上去。」
Baby安慰師姐
此外，作為師妹的Baby也安撫Lynn說：「要集體罷睇呢啲雜誌，自己之前都有為寫我整容嘅報道喺屋企喊，不過做呢行食得鹹魚抵得渴，唔好睇得咁重，唔開心發洩下算。」對於早前指陳偉霆身邊多假桃花，Baby說：「我冇資格做真桃花。」
採訪，攝影：羅慧敏