譚詠麟（阿倫）、楊千嬅、吳耀漢及吳嘉龍昨日在時代廣場宣傳賀歲片《財神到》，眾演員談到觀眾為何要入場看該戲時，吳耀漢說：「香港已經有兩套胡鬧嘅笑片，我哋賣溫情嘅，觀眾有智慧就識得揀戲睇。」阿倫聞言笑說：「前輩道行係高啲嘅。」
「讓佢兩星期」
阿倫談到曾志偉看好《72家租客》，他說：「個個都睇好自己，我讓佢兩星期後先上，我哋內地多宣傳，香港慢慢嚟。」但志偉口氣很大，表示看好自己有2,500萬元票房，阿倫說：「人矮口氣係大啲。」至於志偉與黃百鳴為優先場票房數字爭拗，各自說自己較收得，阿倫說：「我都唔鍾意搞呢啲，我哋三個都幫新藝城拍戲，家電影市咁好，氣氛好就好啦。」
採訪、攝影：胡比