山重水複疑無路，柳暗花明又一村。早前市場飽受各項利淡消息衝擊，恒指萬九點睇落危危乎，但話咁快又彈升近2萬點大關。日前本欄指出，如大市回升，建行（939）係低吸博反彈之選，策略總算冇錯，在今次捉反彈之中先取得甜頭。
內房股整體亦有見底之象，由於壞消息幾乎盡出，加上股價已跌得相當殘，大市只要回穩，內房股升勢將十分吸引。例如星俠愛股之一恒盛地產（845）日前插至2.61元創上市新低後，走勢否極泰來，瞬間升回3元樓上，昨收報3.04元，升4.8%，反映內房股本身有實績支持，股價一旦反彈，會既急且銳。
剛「染藍」的華潤置地（1109）在低位企穩陣腳，昨升1.4%，收報15元，股價已升越20日線，走勢漸見轉強。該股晉身藍籌後，即見有大行入場掃貨，其中摩通以平均價15.24元增持華潤置地至8.04%，擺明睇好，現價買仲平過摩通，當然可追，首目標看50日線約16.70元水平。
方星俠