花旗股市前晚大升，帶動噚日港股推向20000關，不過成交偏靜，唔夠600億元，恒指受制於20000關，報收19922，升131點。
歐盟成員國傾緊處理希臘嘅債務問題，股市借機反彈，不過係咪可以順利解決仲有唔少變數。今日內地公佈通脹數據，會係市場焦點，要密切留意有關消息。
中海C輪20899：中國海外（688）昨收14.46元，升0.69%。股價企喺20日線水平收市，短線有機試15.60元，破位睇16.50元，可以諗吓隻C輪20899。
隻輪現價19.1仙，2010年9月17日到期，行使價16.28元，溢價25.8%，引伸波幅58.7%，有效槓桿3.6倍，正股見16.50元，20899睇30.1仙，有逾5成升幅，正股跌穿13.70元，就沽咗隻輪止蝕。
俊樺